ÉCHE O NOSO AGASALLO

      Estamos metidos de cheo na primavera. Despois dun inverno que secou as fontes, chega o abril regándonos a todos coa tan ansiada auga. Non semella haber moita flor polos campos, veigas e comareiros, polo que este ano levaremos máis traballo para xuntar todo o necesario e volver a facer o MAIO.
     Entre todos, un ano máis, xuntamos os versos necesarios para compoñer as coplas do Maio-2012. Grazas a todos os que colaborastes. Un grupo de 5º e 6º está ensaiando(baixo a batuta das nais da ANPA) para que , chegado o día, as voces estean ben templadas.
     Como primicia, presentámosvos a primeira estrofa, para que vos fagades unha idea e para que vaiades afinando voces:
        

                        " VIMOS DO COLEXIO A LAXE

                         PARA AMOSARVOS O MAIO

                         ESPERAMOS QUE VOS GUSTE

                         ÉCHE O NOSO AGASALLO."